تحریک انصاف ملک کے نظام میں تبدیلی کے لئےانتخاب میں حصہ لے رہی ہے امیدوار پی پی233حاجی محمد شہباز احمد ڈوگر

تحریک انصاف کے نامزد امیدوار صوبائی اسمبلی پی پی233حاجی محمد شہباز احمد ڈوگر

بورے والا: تحریک انصاف کے نامزد امیدوار صوبائی اسمبلی پی پی233حاجی محمد شہباز احمد ڈوگر نے کہا ہے کہ تحریک انصاف ملک کے نظام میں تبدیلی اور عام آدمی کو انصاف کی فراہمی کے ایجنڈہ پر عمل کرنے کے لئے انتخاب میں حصہ لے رہی ہے ۔ عمران خان وہ لیڈر ہیں جن میں علامہ اقبال کے افکار والی تمام خوبیاں پائی جاتی ہیں ۔ ان خیالات کا اظہار انہوں نے اپنے دفتر میں انتخابی مہم کی افتتاحی تقریب میں شریک سینکڑوں افراد کے نمائندہ اجتماع سے خطاب کر تے ہوئے کیا۔ تقریب سے تحریک انصاف کے نامزد امیدوار این اے167 ریاست علی بھٹی، امجد جٹ، ملک مشتاق اعوان، کشف العارفین غوری، عبدالروف چوہدری ،خالد نثار ڈوگر ،بشیر احمد جٹ نے بھی خطاب کیا ۔ جبکہ اس موقع پر تحریک انصاف بورے والا صدر اکبر علی بھٹی، روحانی شخصیت صوفی نثار احمد خلیقی، شہزاد احمد ڈوگر، سردار ساجد ڈوگر، راﺅ محمد وکیل نمبردار ، سابق ناظم عاشق شیر ڈوگر ،ہمایوں شکیل چیمہ ،ماسٹر شاہ محمد چوہدری ،سردار امجد ڈوگر ،رانا منظور علی ایڈوکیٹ، اعجاز اسلم چوہدری، ڈاکٹر سہیل عزیز، چوہدری بشیر احمد جٹ سمیت نمائندہ افراد بھی موجود تھے ۔ حاجی شہباز احمد ڈوگر نے خطاب کر تے ہوئے کہا کہ جب حکمران لوٹ مار میں مصروف ہوں وہ قوم کی تقدیر نہیں بدل سکتے ۔ سابقہ حکمرانوں نے5سال تک قوم کے ساتھ جو کچھ سلوک کیا ہے 11مئی کے الیکشن میں ہمیں اسے پیش نظر رکھ کر فیصلہ کر نا ہوگا ۔ انہوں نے کہا کہ تحریک انصاف روٹی کپڑا اور مکان کے نعرے نہیں لگاتی مگر اس بات کو یقینی بنائے گی کہ اگر اقتدار میں آئی تو وسائل کی منصفانہ تقسیم ضرور کرے گی ۔ امیدوار قومی اسمبلی تحریک انصاف ریاست علی بھٹی نے بھی خطاب کر تے ہوئے کہا کہ حاجی شہبازاحمد ڈوگر کی حمایت کے لئے ہونے والا اکٹھ قابل فخر ہے ۔ ہماری جماعت برادری ازم پر یقین نہیں رکھتی تاہم برادریان اور خاندان پہچان ہوتے ہیں ۔ ہم تمام برادریوں کو ساتھ لے کر چلیں گے ۔ اگر عوام کا یہی تعاون اور جذبہ برقرار رہا توانشاءاللہ تحریک انصاف کا پینل بورے والا میں واضح اکثریت سے کامیاب ہوگا ۔ انہوں نے کہا کہ عمران خان واقعی دلیر، زبان کا پکا قومی لیڈر ہے جو اس ملک میں تبدیلی کا علمبردار ہے ۔ انہوں نے لوگوں سے اپیل کی کہ وہ انصاف کے تقاضوں کو پیش نظر رکھتے ہوئے تحریک انصاف کے نامزد امیدوار وں کو بھاری اکثریت سے کامیابی دلائیں ۔ امیدوار صوبائی اسمبلی حاجی شہباز احمد ڈوگر کی طرف سے شرکاءتقریب کے اعزا ز میں ظہرانہ بھی دیا گیا ۔

مکمل تحریر اور تبصرے>>

مٹھو ڈوگر شہید کے دست راست غلام رسول زیدی نے اپنے ساتھیوں کے ہمراہ مسلم لیگ (ن) کےنامزدامیدواروں کی حمایت کا اعلان کر دیا

بورے والا: مسلم لیگ (ن) کے قائد میاں محمد نواز شریف نے ایٹمی دھماکے کر کے پوری دنیا میں پاکستانی قوم کی خود داری کا مظاہرہ کیا ۔ اب پوری قوم ان کے اس جراتمندانہ فیصلہ کی وجہ سے انکے ساتھ کھڑی ہے ۔ پاکستانی عوام میاں محمد نوزا شریف کودوبارہ پاکستان کا وزیر اعظم بنانا چاہتی ہے توانہیں شیر کے نشان پر مہر لگا کر قومی اور صوبائی حلقوں میں مسلم لیگ (ن) کے نامزد امیدواروں کو کامیاب کر وانا ہوگا ۔ ان خیالات کا اظہار مسلم لیگ (ن) کے تحصیل صدر و مٹھو ڈوگر شہید کے دست راست غلام رسول زیدی نے اپنے نظریاتی لیگی ساتھیوں کے ہمراہ مسلم لیگ (ن) کے مرکزی الیکشن آفس میں پہنچ کر میڈیا سے گفتگو کر تے ہوئے کیا ۔ اس موقع پر امیدوار قومی اسمبلی چوہدری نذیر احمد آرائیں ،امیدوار صوبائی اسمبلی چوہدری ارشاد احمد آرائیں ،چوہدری فقیر محمد ،عبد الرشید بھٹی اور لیگی کارکنوں کی کثیر تعداد موجود تھی ۔ انہوں نے کہا کہ موجودہ الیکشن میں پاکستان بنانے اور اس کی حفاظت کر نے والی جماعت مسلم لیگ (ن) اور پاکستا ن کی اساس کے خلاف کام کر کے ملک میں لوٹ مار کا بازا ر گرم کر کے عوام کو مشکلات اور اندھیروںمیں دھکیلنے والی جماعتوں کے درمیان مقابلہ ہے ۔ بورے والاکے عوام لوٹ مار کرنے اور شہر کا حلیہ بگاڑنے والوں کو بخوبی جانتے ہےں ۔ انشاءاللہ فتح حق اور سچ کی ہوگی ۔

مکمل تحریر اور تبصرے>>

پرویز مشرف کے خلاف سپریم کورٹ کی طرف سے آرٹیکل چھ کے تحت کاروائی کے پنڈورہ بکس کو کھولنے کے لئے یہ مناسب وقت نہیں ہے سید خورشید احمد شاہ

بورے والا: پاکستان پیپلز پارٹی کے مرکزی رہنماءسابق وفاقی وزیر مذہبی امور سید خورشید شاہ نے کہا ہے کہ پرویز مشرف کے خلاف سپریم کورٹ کی طرف سے آرٹیکل 6کے تحت کاروائی کے قومی سیاست پر دور رس اثرات مرتب ہونگے کیونکہ پوری قوم اور سیاسی جماعتیں الیکشن میں مصروف ہیں ۔ ایسے میں پنڈورہ بکس کو کھولنے کے لئے یہ مناسب وقت نہیں ہے ۔ ان خیالات کا اظہار انہوں نے گذشتہ شب مجاھد کالونی بورے والا میں پیپلز پارٹی کے امیدوار این اے 167کر نل (ر ) عابد علی خان کے انتخابی دفتر میں پارٹی کارکنوں سے ملاقات کے دوران گفتگو کر تے ہوئے کیا ۔ اس موقع پر پیپلز پارٹی کے سابق ایم این اے میلسی محمود حیات خان ٹوچی ،امیدوار صوبائی اسمبلی میلسی عبد القادر خان کھچی ،اوکاڑہ کے سابق ممبر ز قومی اسمبلی غلام مجتبیٰ کھرل ،سید سجاد الحسن شاہ ،پیپلز پارٹی بورے والا کے سٹی صدر راﺅ فریاد علی خان ،چوہدری ولی محمد جٹ ،رانا عبد الستار ،چیف محمد علی بھٹی ، راﺅ طارق محمود اور دیگر ورکرز بھی موجود تھے ۔ سید خورشید شاہ نے کہا کہ پیپلز پارٹی سے غداری کر نے والوں کا تاریخ نے کبھی معاف نہیں کیا ۔ بعض خفیہ عوامل ملک میں ایسے حالات پیدا کر رہے ہیں کہ عام انتخابات کو جلد ملتوی کر وایا جائے مگر پیپلز پارٹی ایسے اقدامات کی بھر پور مزاحمت کرے گی اور بر وقت انتخابات کے انعقاد پر کوئی سمجھوتہ نہیں کیا جائے گا ۔ انہوں نے بعض حلقوں کی طرف سے پارٹی ٹکٹوں کی تقسیم کے حوالے چیئر مین بلاول بھٹو اور دیگر قیادت کے مابین اختلافات کی خبروں کو شر انگیز اور بے بنیاد قرار دیا ۔ انہوں نے کہا کہ پیپلز پارٹی محب وطن صالح اور صاحب کر دار امیدواروں کو پارٹی ٹکٹ جاری کر رہی ہے جو پارٹی کے منشور پر عمل کرنے کے پابند ہونگے ۔ انہوں نے کر نل (ر) راﺅ عابد علی خاں اور ان کے گھرانے کی پیپلز پارٹی کے لئے خدمات کو خراج تحسین پیش کر تے ہوئے کہا کہ انشاءاللہ کرنل (ر) راﺅ عابد علی خان ہی بورے والا سے ممبر قومی اسمبلی منتخب ہو کر پارٹی کی قوت میں اضافہ کریں گے ۔
الیکشن کمیشن آف پاکستان کی طرف سے وال چاکنگ پر لگائی پابندی ختم کی جائے ۔ پینٹرز آرٹسٹ ایسوسی ایشن

بورے والا: جنرل الیکشن میں امیدواروں کی اشتہاری مہم پر الیکشن کمیشن آف پاکستان کی طرف سے وال چاکنگ پر لگائی گئی پابندی ختم کی جائے ۔ پینٹرز آرٹسٹ ایسو سی ایشن کی پریس کلب کے سامنے پر امن احتجاجی مظاہرہ میں چیف الیکشن کمشنر چیف جسٹس پاکستان سے اپیل ۔ تفصیلات کے مطابق پینٹرز اینڈ آرٹسٹ ایسو سی ایشن بورے والا کے نمائندوں نے اپنے ممبران اور اس پیشہ سے وابستہ آرٹسٹوں کے ہمراہ پریس کلب بورے والا کے سامنے احتجاجی مظاہرے میں احتجاج کر تے ہوئے موقف اختیار کیا ہے کہ عام انتخابات میں اشتہاری مہم میں وال چاکنگ پر الیکشن کمیشن کی طرف سے ضابطہ اخلاق کے تحت جو پابندی لگائی گئی ہے اس سے ہمارے ہنر اور ذریعہ معاش پر بلا واسطہ پابندی عائد ہوئی ہے جو سرا سر ہمارے ساتھ زیادتی اور ہمارا معاشی قتل ہے ۔ کمپیوٹر کے ذریعے تیار ہونے والے فلیکسز کی وجہ سے ہمارا پیشہ پہلے ہی زوار پذیر ہے ۔ ہم عرصہ پانچ سال سے الیکشن کے انتظار میں تھے اور روز گار کی امید لگائے بیٹھے تھے جس پر الیکشن مہم میں وال چاکنگ پر پابندی سے پانی پھر گیا ۔ پر امن مظاہرین نے کتبے اور بینرز اٹھا رکھے تھے جن پر پینٹرز ایسو سی ایشن کا معاشی قتل بند کرو،ہمیں انصاف چاہئے،ہمیں ہمارا حق دو،چیف جسٹس ہمیں انصاف دو کے نعرے درج تھے ۔ پر امن احتجاج میں ایسو سی ایشن کے صدر ظہور احمد خاں ،نائب صدر حاجی سجاد احمد رادھو ،افتخار مٹھو ، جنرل سیکرٹری ارشاد فریدی ،محمد رمضان ،ناصر علی ،رانا کبیر سلطانی،محمد اسلم عطاری ،طارق نقاش ،فدا حسین ،رضا سیف ،اسلم فصام ،امجد نقاش ،محمد رمضان محمد اکرم ،فاروق احمد ،ساجد بھٹی ،اعجاز فریدی ،طارق جی ،غلام علی ،بابر ساجی ، محمد ریاض ،عاشق علی ،ندیم علی اور ضیاءکے علاوہ دیگر بھی شامل تھے ۔

مکمل تحریر اور تبصرے>>

ڈسٹرکٹ پولیس آفیسر شاکر حسین داوڑ کے اعزاز میں الوداعی پارٹی

مکمل تحریر اور تبصرے>>

الیکشن میں حمایت کا فیصلہ جلد کرینگے غلام مصطفی بھٹی

بورے والا :  فرینڈز گروپ نے الیکشن میںکسی بھی پارٹی یا آزاد امیدوار وں کی حمایت کا فیصلہ کر نےکا اختیار گروپ لیڈر سابق تحصیل نائب ناظم غلام مصطفی بھٹی کو دے دیا ۔ تفصیلات کے مطابق جنرل الیکشن میں قومی اسمبلی کے حلقوں 167بورےوالا اور 168ماچھیوال صوبائی حلقوں 232گگومنڈی ،233بورے والا ،234لڈن اور 235ماچھیوال سے الیکشن میں حصہ لینے والے امیدوار وں میں سے کس کی حمایت کر نی ہے اس کا فیصلہ کر نے کے لئے فرینڈز گروپ اور انکے اتحادیوں کا اجلاس شاہ فیصل کالونی میں گذشتہ روزمنعقد ہوا جس میں حاجی نعیم احمد ،اخلاق احمد شاہ ،ظفر علی طور ، میاں طارق محمود ،اسد خاں ،غلام محمد بھٹی ،جاوید اقبال ، عبد الغفور ،پپو بھٹی سمیت برادریوںکے سر کر دہ افراد نے بھر پور شرکت کی ۔اجلاس میں باہمی مشاورت کے بعد اتفاق رائے سے فیصلہ کر نے کا اختیار گروپ لیڈر سابق نائب تحصیل ناظم غلام مصطفی بھٹی کو دے دیا گیا جو آئندہ چند روز میں فیصلہ کر کے اپنی حمایت کا حتمی اعلان کریں گے ۔

مکمل تحریر اور تبصرے>>

پاکستان سکیورٹی اسٹیٹ ہے جہاں امریکی مفادات اور سیاستدانوں کو تحفظ حاصل ہے ۔ مولانا محمد خان شیرانی

 خان بورے والا: اسلامی نظریاتی کونسل کے چیئر مین سابق سینیٹر صوبائی و زمیر جمیعت علماءاسلام بلوچستان مولانا محمد شیرانی نے کہا ہے کہ پاکستان سکیورٹی اسٹیٹ ہے جہاں امریکی مفادات اور سیاستدانوں کو تحفظ حاصل ہے اور عوام عدم تحفظ کا شکار ہیں ۔ ان خیالات کا اظہار انہوں نے گزشتہ شب یہاں جمعیت علماءاسلام کے ضلعی امیر راﺅ ارشاد احمد خان کی رہائش گاہ پر پریس کلب بورے والا کے نمائندوں سے گفتگو کر تے ہوئے کیا ۔ اس موقع پر ضلعی امیر راﺅ ارشاد احمد کے علاوہ تحصیل امیر مولانا عبد النعیم نعمانی ، جامعة الفاروق کے مہتمم مولانا راﺅ منور احمد خان ، سابق کونسلر راﺅ عزیر الرحمان ،رانا طاہر کریم اور رانا غلام مرتضیٰ بھی موجود تھے ۔ مولانا محمد خان شیرانی نے کہا کہ اگر پاکستان کے سیاستدان اور مولوی سچ بولنا شروع کر دیںتو ملک امن کا گہوارہ بن سکتا ہے ۔ انہوں نے ایک سوال کے جواب میں کہا کہ بلوچستان میں علیحدگی کی کوئی تحریک نہیں ہے مگر بیرونی ممالک کی خفیہ ایجنسیاں پینٹا گون کے نقشہ کے ایجنڈے کی تکمیل کےلئے بلوچستان اور خیبر پختونخواہ میں حالات خراب کر رہی ہیں ۔ پاکستان بنیادی طور پر اسٹیبلشمنٹ کی جاگیر ہے اور غریب عوام اس کے مزارع ہیں جن کو مفادات کی بھینٹ چڑھایا جاتا ہے ۔ فوج ہمارا منظم ادارہ ہے مگر وہ پبلک کو خاطر میں نہیں لاتی ۔ ملک کا کوئی بھی وزیر اعظم با اختیار نہیں ہوتا بلکہ وہ فوج ،عدلیہ اور بیورو کریسی پر مشتمل اسٹیبلشمنٹ کا نمائندہ ہوتا ہے۔ انہوں نے ایک سوال کے جواب میں کہا کہ ہماری جماعت بلوچستا ن میں اپنے نظریات کو گھر گھر پہنچانے کے لئے جماعتی پلیٹ فارم سے الیکشن میں حصہ لے رہی ہے مگر ہم نے ضلع اور تحصیل کی سطح پر اپنی تنظیم کو مقامی حالات کے مطابق ایڈجسٹمنٹ کی اجازت دے رکھی ہے تا ہم میرے تجربہ اور حالات کے تناظر میں نظر آرہا ہے کہ ملک میں مجوزہ عام انتخابات نہیں ہونگے کیونکہ ملک میں جان بوجھ کر ایسے حالات پیدا کئے جا رہے ہیں ۔ 

چوہدری نذیر احمد جٹ نے اپنے دس سالہ دور اقتدار میں بورے والا کے عوام کی بھر پور بے لوث خدمت کی ہے۔عائشہ نذیر جٹ

بورے والا: سابق ممبر قومی اسمبلی بورے والا چوہدری نذیر احمد جٹ کی صاحبزادی آزاد امیدوار حلقہ این اے 167بورے والا محترمہ عائشہ نذیر جٹ اور ان کی والدہ حاجرہ اویس جٹ امیدوار پی پی 233بورے والا شہر نے اپنی انتخابی مہم کے سلسلہ میں مختلف کار نر میٹنگز سے خطاب کر تے ہوئے کہا کہ جٹ گروپ کے قائد چوہدری نذیر احمد جٹ نے اپنے دس سالہ دور اقتدار میں بورے والا کے عوام کی بھر پور بے لوث خدمت کی ہے یہی وجہ ہے کہ جٹ گروپ کے امیدوار عوامی حمایت سے کسی سیاسی جماعت کے ٹکٹ کا سہارا لئے بغیر الیکشن میں حصہ لے رہے ہیں ۔انہوں نے کہا کہ چوہدری نذیر احمد جٹ نے بورے والا اور وہاڑی کے شہریوں کو سوئی گیس کا میگا پراجیکٹ مہیا کیا اور رشوت کے بغیر لوگوں کو انصاف فراہم کیا ۔ لوگوں کو پینے کے پانی ،تعلیم ،بجلی اور صحت جیسی بنیادی سہولتوں کے منصوبہ جات مکمل کر وا کر لوگوں کا معیار زندگی بلند کیا ہے ۔ دریں اثناءجٹ گروپ کی نامزد امیدوار این اے 168محترمہ ڈاکٹر عارفہ نذیر جٹ نے ریٹرننگ آفیسر سے اپنے کاغذات نامزدگی منظور ہونے کے بعد حلقہ کے مختلف چکوک میں رابطہ عوام مہم شروع کر دی ہے ۔ اس مہم کے دوران ان کے کورنگ امیدوار مہر اعجاز احمد ،ملک فاروق کھوکھر ،میاں خالد لطیف اور ظفر اقبال جٹ بھی ان کے ہمراہ موجود تھے ۔ حلقہ این اے 168سے تعلق رکھنے والی مختلف برادریوں کے نمائندہ افراد اللہ دتہ لنگڑیال ،بابا صدیق جٹ ، عطاءمحمد جوئیہ ، اللہ کھا ، ندیم سہو ، نعیم سندھو جٹ ، صفدر علی سندھو ، یعقوب سندھو ، محمد یار چدھڑ ، مہر دوست محمد آرائیں اور مہر ارشد جگا نے چوہدری نذیر جٹ گروپ کے آزاد امیدوار ان کی مکمل حمایت کا یقین دلایا ۔ 

 تمام لیگی کارکن میاں نواز شریف کی قیادت میں متحد ہیں ۔چوہدری ارشاد احمد آرائیں

بور ے والا : پاکستان مسلم لیگ (ن) کے نامزد امیدوار پی ی 233چوہدری ارشاداحمد آرائیں نے کہا ہے کہ بورے والا میں تمام لیگی کارکن میاں نواز شریف کی قیادت میں متحد ہیں اور وہ تمام پرانے اور نئے لیگیوں کا احترام کر تے ہیں ۔ انہوں نے کہا کہ ملک کو در پیش بجلی کی لوڈ شیڈنگ اور امن و امان کی بگڑتی ہوئی صورتحال کا حل صرف اور صرف مسلم لیگ (ن) کے سربراہ میاں محمد نواز شریف اور سابق وزیر اعلیٰ پنجاب میاں محمد شہباز شریف کے ولولہ انگیز قیادت کا مرہون ہے۔ عوام ملک میں سیاسی تبدیلی کے لئے مسلم (ن) کو کامیاب کر وائیں ۔ ان خیالات کا اظہار انہوں نے اپنی انتخابی مہم کے سلسلہ میںمجاہد کالونی ،چک نمبر 471ای بی اور بھٹہ یوسف آباد میں لوگوں سے گفتگو کر تے ہوئے کیا ۔ انہوں نے کہاکہ پیپلز پارٹی کی اس سے بڑھ کر بد قسمتی اور کیا ہوگی کہ اب ان کے اقتدار کے مزے لوٹنے والے امیدوار بننے کو تیار نہیں ہیں کیونکہ انہیں پتہ چل گیا ہے کہ اب عوام ان کا ووٹ کے ذریعہ احتساب کرےں گے۔ اس موقع پر مجاہد کالونی کے سابق کونسلر محمد قاسم خالدی ، راجہ محمد اکبر قالین والے ، شیخ محمد افضل ڈوگر شیرافگن ، چک 471ای بی کے ملک محمد بشیر اعوان ،ملک محمد جمیل ،چوہدری محمد اسلم اور عبد المجید بھٹی نے چوہدری ارشاد احمد آرائیں کی مکمل حمایت کا اعلان کیا اور ان کی کامیابی کے لئے اپنے تمام وسائل بروئے کار لانے کی یقین دہانی کر وائی ۔

مکمل تحریر اور تبصرے>>

  ریٹرننگ آفیسربورےوالا محمد اقبال خان نےدونوں صوبائی حلقوں کےامیدواروں کے کاغذات نامزدگی کی جانچ پڑتال مکمل کر لی

بورے والا : ریٹرننگ آفیسر ایڈیشنل سیشن جج بورےوالا محمد اقبال خان میو نے بورے والا کے صوبائی حلقوں پی پی 232اور پی پی 233کے امیدواروں کے کاغذات نامزدگی کی جانچ پڑتال مکمل کر لی اور مختلف سرکاری محکموں کے نا دہندہ بعض امیدواروں سے لاکھوں روپے کی ریکوری کر لی ۔ اس موقع پر اسسٹنٹ ریٹرننگ آفیسر ز اسسٹنٹ کمشنر بورے والا سیف اللہ ساجد اور ڈی ای او سعید احمد بھی ان کے ہمراہ کمرہ عدالت میں موجود تھے ۔ ریٹرننگ آفیسر نے پاکستان مسلم لیگ (ن) کے امیدوار پی پی 233چوہدری ارشاد احمد آرائیں ،امیدوار پی پی 232پیر غلام محی الدین چشتی ،امیدوار پی پی 233آزادامیدوارچوہدری عثمان احمد وڑائچ ،ق لیگ کے امیدوار پی پی 233چوہدری احسان اللہ چیمہ ،تحریک انصاف کے عبد الروف چوہدری ،مسلم لیگ (ن) کے امیدوار محمد جمیل بھٹی ،کسان اتحاد کے چوہدری فیاض عظیم ایڈوکیٹ ،تحریک انصاف کے امجد حمید چوہان ،(ن) لیگ کے محمد عمران ارشاد ،چوہدری محمد عاشق آرائیں ،حاجرہ نذیر جٹ ،امیدوار ان حلقہ پی پی 232آزاد امیدوار طاہر نقاش جٹ ،عثمان احمد وڑائچ ،پیپلز پارٹی کے سلمان یوسف گھمن ،میاں آفتاب اقبال جیویکا ،روبینہ سلیم باجی،ایم کیو ایم سمیت باقی تمام امیدواروں کے کاغذات منظور کر لئے ۔ ریٹرننگ آفیسر نے ٹی ایم اے کا نا دہندہ ہونے کے باعث تحریک انصاف کے امیدوار پی پی 232پی پی 233رانا مظفر خان کے کاغذات مسترد کر دئے جبکہ دو امیدواروں ایم کیو ایم کے رانا فراز اکمل حلقہ پی پی 232اور محمد عتیق انور پی پی 233کے کاغذات عمر کم ہونے کی بناءپر مسترد کر دئے ۔ فاضل ریٹرننگ آفیسر نے امیدواروں پر لگائے گئے اعتراضات کی سماعت کے بعد پیپلز پارٹی کے امیدوار سردار خالد سلیم بھٹی کو سوشل سکیورٹی کے واجبات ،مسلم لیگ (ن) کے چوہدر ی محمد یوسف کسیلیہ اور محمد عابد کسیلیہ کو کنڈونیشن فیس اور تحریک انصاف کے حاجی محمد شہباز ڈوگر کو زرعی انکم ٹیکس اور سردار عقیل احمد شانی ڈوگر کے ذمہ زرعی ٹیکس کے واجبات آج 5اپریل تک جمع کر وانے کی شرط پر کاغذات منظور ہونے کا حکم سنا دیا اور کہا کہ اگر انہوں نے مقررہ تاریخ تک واجبات جمع نہ کر وائے تو اس صورت میں وہ الیکشن میں حصہ نہ لے سکیں گے ۔ درایں اثناءتحریک انصاف کے امیدوار رانا محمد مظفر خان نے اپنے کاغذات مسترد ہونے کے فیصلہ پرنظر ثانی کے لئے ڈسٹرکٹ ریٹرننگ آفیسر کے پاس اپیل دائر کرنے کا فیصلہ کیا ہے ۔

  مسلم لیگ (ن) پنجاب کے پارلیمانی بورڈ نے قومی اور صوبائی اسمبلی نشستوں پر امیدوار نامزد نہیں کئے اور نہ ہی نذیر آرائیں گروپ سے صلح کی افواہوں میں کوئی حقیقت ہے ۔ سید سلمان شاہد
بورے والا: پاکستان مسلم لیگ (ن)نسیم شاہ گروپ کے امیدوار قومی اسمبلی این اے 167بورے والا سید سلمان مہدی نسیم نے کہا ہے کہ مسلم لیگ (ن) پنجاب کے پارلیمانی بورڈ نے ابھی تک بورے والا سے قومی اور صوبائی اسمبلی کی کسی نشست پر امیدوار نامزد نہیں کئے اور نہ ہی ہماری اپنے مخالف نذیر آرائیں گروپ سے کسی بھی صلح کی افواہوں میں کوئی حقیقت نہیں ہے ۔ مسلم لیگ (ن) کے قائد میاں محمد نواز شریف آئندہ تین چارروزکے اندر خود فیصلہ کریں گے جو ہمیں قابل قبول ہو گا ۔ ان خیالات کا اظہار انہوں نے اپنے گروپ کے امیدوار ان صوبائی اسمبلی پی پی 233چوہدری محمد عاشق آرائیں ،چوہدری بختیاراحمد گوجر اور خالد محمود ڈوگر کے ہمراہ ہنگامی پریس کانفرنس سے خطاب کر تے ہوئے کیا ۔ انہوں نے کہا کہ ان کے مخالف گروپ کے امیدوار قومی اسمبلی چوہدری نذیر احمد آرائیں (ق) لیگ ضلع وہاڑی کے صدر رہ چکے ہیں ۔ ہماری ان سے کسی قسم کی صلح کے دروازے بند ہو چکے ہیں ۔ چوہدری نذیر احمد آرائیں آئین کی شق 62،63کی خلاف ورزی کے مرتکب ہوئے ہیں اور گذشتہ انتخابات میں مسلم لیگ (ن) کے قائدین کے سامنے حلف اٹھا کر انکاری ہو چکے ہیں ۔ ان کے خلاف لاہور ہائیکورٹ ملتان بنچ میں رٹ دائر کی جا رہی ہے ۔ سید سلمان مہدی نے مزید کہا کہ ہمارا گروپ گگو منڈی سے صرف اور صرف چوہدری محمد یوسف کسیلیہ کو بطور امیدوار مسلم لیگ (ن) قبول کرے گا ۔ جبکہ بورے والا سے ہمارا کوئی بھی امیدوار جمیل بھٹی ،بختیار احمد گوجر، خالد محمود ڈوگر اور چوہدری عاشق آرائیں میں سے ایک ہوگا ۔ تاہم نسیم شاہ گروپ میاں محمد نواز شریف کے حتمی اعلان کے بعد اپنے آئندہ لائحہ عمل کا اعلان کریں گے اور مسلم لیگ کے سربراہ میاں مھمد نواز شریف کے فیصلے کا احترام کرے گا۔ انہوں نے ایک سوال کے جواب میں کہا کہ وہ کسی بھی صورت میں مسلم لیگ (ن) سے باہر نہیں جا سکتے اور نہ ہی پیپلز پارٹی سمیت کسی دوسری جماعت سے الحاق کریں گے اور نہ ہی اتحاد ۔ گروپ لیڈر سید شاہد مہدی نسیم شاہ خود بورے والا میں آکر امیدواروں کا فیصلہ کریں گے ۔ اس موقع پر گروپ کے سابق ناظمین رانا شاہد سرور ، ضیاءاختر گوجر ،حاجی مبین احمد بھٹی ، رانا خادم حسین ،عامر ممتاز چشتی ،ضیاءاختر ڈھڈی کے علاوہ سرگرم مسلم لیگی کارکنان رانا محمد وکیل خاں ،احسان اللہ گھمن ،منظور بر کت ،رانا اجمل خان ،حافظ عاطف ریاض ،رانا مظہر مختار ،راﺅ نور محمد ، نادر خان برکی ،ڈاکٹر محمد سرور ،شیخ نثار احمد وقار سمیت کارکنوں کی کثیر تعداد بھی موجود تھی ۔

سپریم کورٹ کے احکامات کی روشنی میں سرکاری سکول کے چار کنال رقبہ کو ناجائز قابضین سے واگزار کرا لیا گیا
بورے والا : سپریم کورٹ کے احکامات کی روشنی میں سرکاری سکولوںکے رقبہ کو ناجائز قابضین سے واگزار کر وانے کے سلسلہ میں ڈی سی او کی ہدایت پر اسسٹنٹ کمشنر بورے والا سیف اللہ ساجد کی قیادت میں حکام نے کاروائی کر تے ہوئے گورنمنٹ گرلز ایلیمنٹری سکول چک 499ای بی کی ساڑھے چار کنال قیمتی اراضی واگزار کر والی ۔ تفصیلات کے مطابق اسسٹنٹ کمشنر سیسف اللہ ساجد نے تحصیلدار قمر محمودخاں منج ،نائب تحصیلدار چوہدری محمد اسحاق ،ٹی ایم او راﺅ محمد خان اور محکمہ مال اور ٹی ایم اے کے عملہ نے بھاری مشینری کے ذریعہ چک نمبر 499ای بی میں ناجائز قابضین کے خلاف گرینڈ آپریشن کر کے ناجائز تعمیر شدہ 21مکانات منہدم کر کے سکول کی ساڑھے 4کنال اراضی واگزار کر واکر سکول کی ہیڈ مسٹریس کے حوالے کر دی ۔ اہل دیہہ نے سرکاری سکول کا رقبہ واگزار کر وانے پر حکام کو خراج تحسین پیش کیا ۔

مکمل تحریر اور تبصرے>>

 این اے 167بورے والا کے لئے کاغذات داخل کر وانے والے ایک امیدوار کے علاوہ تمام امیدواروں کے کاغذات منظور

بورے والا: عام انتخابات میں حصہ لینے والے امیدواروں کے کاغذات نامزدگی کی جانچ پڑتال کے پہلے روز ریٹرننگ آفیسر ایڈیشنل سیشن جج بورے والا محمد اقبال خان میو نے این اے 167بورے والا کے لئے کاغذات داخل کر وانے والے ایک امیدوار کے علاوہ تمام امیدواروں کے کاغذات منظور کر لئے ۔ کاغذات داخل کر وانے والے ایک امیدوارسردار عقیل احمد شانی ڈوگر نے ریٹرننگ آفیسر کو بتایا کہ تھانہ گگو منڈی پولیس کے ایس ایچ او نے گذشتہ شام میرے تجویز کنندہ ساجد کریم ڈوگر کو گھر سے گرفتار کر کے نا معلوم مقام پر منتقل کر دیا ہے جسے بر آمد کرایا جائے دریں اثناءپولیس ذرائع سے معلوم ہوا ہے کہ گگو منڈی پولیس نے ساجد کریم ڈوگر کو مقدمہ نمبر 203زیر دفعہ 162ت ۔پ درج کر کے پولیس کے نام پرمنشیات فروش محمد بوٹا سکنہ 122ای بی کے خلاف کاروائی نہ کر نے کے عوض پولیس کے نام پر 3لاکھ روپے وصول کئے جن میں سے 2لاکھ 30ہزار روپے رائے محمد اکرم انچارج جے ٹی ٹی کو بطور رشوت دینے کی کوشش کی جس پر مقدمہ درج کر کے گگو پولیس نے اسے گرفتار کر لیا ۔ریٹرننگ آفیسر نے ان کے کاغذات کی جانچ پڑتال کے لئے کل 4مارچ بروز جمعرات وار مقرر کر تے ہوئے اسے ہدایت کی کہ وہ اس سلسلہ میں مانیٹرنگ آفیسر ز جنرل الیکشن ایڈیشنل سیشن جج چوہدری محمد الیاس اور سول جج شکیل احمد سے رجوع کر ے ۔ کاغذات نامزدگی کی جانچ پڑتال کے دوران سابق ممبر قومی اسمبلی چوہدری نذیر احمد جٹ نے اپنے ذمہ پارلیمنٹ لاجز کی بجلی کے واجبات 16090روپے اور میاں احمد شریف نے واٹر سپلائی کے 1800روپے سے زائد بل کی موقع پر ادئیگی کی ۔ ریٹرننگ آفیسر نے امیدواران قومی اسمبلی پیپلز پارٹی کے کرنل (ر) راﺅ عابد علی خاں،مسلم لیگ (ن) کے چوہدری نذیر احمد آرائیں ،تحریک انصاف کے ریاست علی بھٹی ،آزاد امیدوار عائشہ نذیر جٹ ،مسلم لیگ (ق) کے احسان اللہ چیمہ ،مہر طارق مسعود ایڈوکیٹ ،مولانا عبد النعیم نعمانی ،مقصود احمدساجد ، مسلم لیگ (ن) کے سلمان شاہد ،چوہدری محمد عاشق آرائیں ،راﺅ حبیب الرحمان ،جماعت اسلامی کے محمد رفیق نظامی ،علی انور ،اکبر علی بھٹی ،ساجد شریف ،قاری شاہین اقبال ،سعدیہ نوید قریشی ،محمد احد شریف ،ملک محمد اقبال لنگڑیال ،چوہدری عثمان احمد وڑائچ ،تحریک انصاف کے چوہدری ذوالفقار علی چوہان ،اصغر علی جاوید ،سلمان یوسف گھمن ،ملک ذوالفقار حسین اعوان اور محمد طاہر سلیم کے کاغذات درست قرار دئے ۔

مسلم لیگ (ن) ضلع وہاڑی میں تمام نشستوں پر کلین سویپ کرے گی ۔ چوہدری ارشاد احمد آرائیں

بورے والا : پاکستان مسلم لیگ(ن) کے امیدوار پی پی 233چوہدری ارشاد احمد آرائیں نے اپنی انتخابی مہم کے سلسلہ میں گذشتہ روز تحصیل کچہری ،حبیب کالونی اور چک نمبر 461ای بی بورے والا میں کارنر میٹنگز سے خطاب کر تے ہوئے کہا کہ انشاءاللہ مسلم لیگ (ن) ضلع وہاڑی میں تمام نشستوں پر کلین سویپ کرے گی کیونکہ سابقہ حکومتی کارکردگی سے عوام تنگ آچکے ہیں ۔ پیپلز پارٹی کی قیادت کے لئے لمحہ فکریہ ہے کہ آج ان کے سابق ارکان اسمبلی عوام کا سامنا کر نے سے گریز کر تے ہیں ۔ انہوں نے مزید کہا کہ 11مئی کے الیکشن میں کامیابی کے بعد مرکز میں مسلم لیگ (ن) کے قائد میاں محمد نواز شریف کی قیادت میں حکومت بنے گی جو عوام کو محرومیوں سے نجات دلا کر ایک نئے پاکستان کی تعمیر کرے گی ۔ پیپلز پاری کی سابقہ حکومت نے عوام کو کرپشن بے روز گاری ،مہنگائی اور لوڈ شیڈنگ کے تحفے دے کر تمام اداروں کو بد حال کر دیا ہے ۔ غریب آدمی دو وقت کی روٹی کو ترس گئے ہیں ۔ انہوں نے لوگو ں سے اپیل کی کہ وہ مسلم لیگ (ن) کو ووٹ دے کر میاں نواز شریف کو ہاتھ مضبوط کریں۔ اس موقع پر چوہدری محمد افضل سابق ناظم ،نذیر احمد مرضی پورہ اور مسلم لیگی ورکروں کی کثیر تعداد مودو د تھی ۔
  پاکستان پیپلز پارٹی کے امیدوار این اے 167کر نل (ر) راﺅ عابد علی خاں کی بورے والا کچہری میں وکلاء سے ملاقات

بورے والا: پاکستان پیپلز پارٹی کے امیدوار این اے 167کر نل (ر) راﺅ عابد علی خاں نے اپنی انتخابی مہم کے سلسلہ میں بورے والا کچہری میں وکلاءکے چیمبرز میں جا کر وکلاءسے ملاقات کی ۔ اس موقع پر پیپلز پارٹی کے سٹی صدر راﺅ فریاد علی خان ،انفارمیشن سیکرٹری چوہدری غلام باری ،رانا غلام مرتضٰی ، چوہدری ولی محمد جٹ اورمرزا شکیل بیگ چیئر مین عشر زکوٰة کمیٹی بھی ان کے ہمراہ موجود تھے ۔ بورے والا کے وکلاءچوہدری محمد نوید ایڈوکیٹ ،سابق صوبائی وزیر چوہدری محمود اختر گھمن صدر پیپلز لائرز فورم ضلع وہاڑی چوہدری سیف اللہ گریوال ایڈوکیٹ ،راﺅ رحمان علی ایڈوکیٹ ،آغا خالد محمود ایڈوکیٹ سابق صدر بار ایسو سی ایشن ،رانا عبد الرحیم خان ایڈوکیٹ ،رانا منظور علی ایڈوکیٹ ،شیخ محمد حنیف ایڈوکیٹ ،نائب صدر پی ایل ایف عبد الغفار لالہ ایڈوکیٹ نے کر نل (ر) راﺅ عابد علی خان کی مکمل حمایت کا یقین دلایا اور کہا کہ وہ ان کی کامیابی کے لئے بھر پور کوشش کریں گے ۔

دینی مدرسہ کا طالب علم چارہ سے بھری بے قابو بیل گاڑی کے نیچے کچل کر ہلاک

بورے والا : دینی مدرسہ کا 11سالہ معصوم طالب علم چارہ سے بھری بے قابو بیل گاڑی کے نیچے بری طرح کچل کر جاں بحق ۔ تفصیلات کے مطابق مجاہد کالونی بورے والا کے مدرسہ تعلیم القرآن میں حفظ و ناظرہ کا 11سالہ معصوم طالب علم محمد رضوان جسے اسکا محنت کش والد محمد رمضان روزانہ مدرسہ میں چھوڑکر اور لے کر جاتا تھا ۔محمد رضوان دوپہر ایک بجے سڑک پر اپنے باپ کی آمد کا منتظر تھا کہ سڑک سے گزر نے والے چارہ سے بھری بیل گاڑی بے قابو ہو کر اس کے اوپر چڑھ گئی ۔ معصوم خود کو نہ بچا سکا اور ریڑھی کا پہیہ اس کے پیٹ کے اوپر سے گزر گیا ۔ بیل گاڑی کا مالک موقع سے فرار ہو گیا ۔ معصوم طالب علم کی اچانک موت پر پورے محلہ میں صف ماتم بچھ گئی جبکہ اسکی ماں صدمے سے نڈھال ہو گئی ۔ محمد رضوان کی نعش پوسٹ مارٹم کے بعد ورثاءکے حوالے کر دی گئی ۔ پولیس تھانہ سٹی نے ریڑھی مالک ولایت حسین کھرل سکنہ بیر کی کے خلاف مقدمہ درج کر کے کاروائی شروع کر دی ۔

مکمل تحریر اور تبصرے>>

مسلم لیگ (ن) پنجاب نے ٹکٹوں کی تقسیم کے فیصلہ اور متحارب مسلم لیگی دھڑوں میں اختلافات کے خاتمہ کے لئے مسلم لیگی اکابرین کا اہم اجلاس لاہور میں طلب کر لیا ہے

بورے والا: پاکستان مسلم لیگ (ن)پنجاب کے پارلیمانی بورڈ نے ضلع وہاڑی میں ٹکٹوں کی تقسیم کے فیصلہ اور متحارب مسلم لیگی دھڑوں میں جاری شدید اختلافات کے خاتمہ کے لئے متوقع امیدواروں اور مسلم لیگی اکابرین کا اہم اجلاس آج بروز بدھ وار شام چار بجے ماڈل ٹاﺅن لاہور میں طلب کر لیا ہے ۔ اجلاس کی صدارت مسلم لیگ (ن) کے سر براہ میاں محمد نواز شریف کریں گے ۔ توقع ہے کہ پارلیمانی بورڈ کے اجلاس میں ضلع وہاڑی کے تمام قومی و صوبائی امیدواروں کے بارے میں حتمی اعلان کیاجائے گا ۔

قومی اسمبلی اور دو صوبائی حلقوں کے لئے87امیدواروں نے کاغذات نامزدگی داخل کیے

بورے والا: قومی اسمبلی کے حلقہ 167اور دو صوبائی حلقوں 232گگو منڈی 233بورے والا سٹی سے جنرل الیکشن میں حصہ لینے کےلئے چار بڑی جماعتوں مسلم لیگ (ن) ،تحریک انصاف ،پیپلز پارٹی ،ایم کیو ایم ،اورایک آزاد نذیر جٹ گروپ سمیت دیگر 87امیدواروں نے اپنے اپنے کاغذات نامزدگی ریٹرننگ آفیسر کے دفتر میں جمع کر وائے ہیں جن پراعتراضات کی روشنی میں سکروٹنی کا عمل جا ری ہو گیا ہے ۔ تفصیلات کے مطابق ریٹرننگ آفیسر بورے والا کے دفتر سے جاری ہونے والی لسٹ کے مطابق قومی اسمبلی حلقہ 167سے 29امیدواروں نے کاغذات جمع کر وائے ہیںجن میں مسلم لیگ(ن) کے متوقع امیدوار ان میں سے چوہدری نذیر احمد آرائیں ،سید سلمان شاہد ،چوہدری محمد عاشق ،ساجد شریف ،میاں احد شریف اورعقیل احمد شانی ڈوگر ،پاکستان پیپلز پارٹی کی طرف سے متوقع امیدواران کر نل (ر) راﺅ عابد علی خاں،ملک محمد اقبال لنگڑیال اورسلیمان یوسف گھمن ،تحریک انصاف کی طرف سے متوقع ریاست علی بھٹی،اکبر علی بھٹی اور ذوالفقار علی چوہان ،ایم کیو ایم کی طرف سے متوقع مہر طارق مقصود ایڈوکیٹ ،نذیر احمد جٹ گروپ کی طرف سے محترمہ عائشہ نذیر جٹ ،مسلم لیگ ق کی طرف سے چوہدری احسان اللہ چیمہ ،جمعیت علماءاسلام فضل الرحمان کی طرف سے عبد النعیم نعمانی اورآزاد امیدواران مقصود احمد ساجد ،راﺅ حبیب الرحمان ،محمد رفیق نظامی (جماعت اسلامی ) ، عابد علی ، علی انور الیاس علی جی ، چوہدی نذیر احمد آرائیں ،قاری شاہین اقبال ،سعدیہ نوید قریشی ، اصغر علی جاوید ،محترمہ شگفتہ چوہدری ،ملک ذوالفقار حسین اورمحمدطاہر سلیم چوہدری جبکہ صوبائی حلقہ 232گگو منڈی سے20امیدواران نے کاغذات جمع کر وائے جن میں مسلم لیگ (ن) کی طرف سے متوقع امیدواران پیر غلام محی الدین چشتی ،چوہدری محمد یوسف کسیلیہ ،غلام معین الدین مطیب چشتی اورمحمد حنیف چوہان، پاکستان پیپلز پارٹی کی طرف سے سلیمان یوسف گھمن ،تحریک انصاف کی طرف رانا محمد مظفر ، ایم کیو ایم کی طرف سے روبینہ سلیم اوررانا فراز اکمل ،آزاد امیدواران میں سے چوہدری رشید احمد ریاض ،بشیر احمد خان ،چوہدری محمد یوسف کسیلیہ ،عابد علی ،ملک راشد فراز اعوان ،ملک افتخار حسین (کسان اتحاد) طاہر نقاش جٹ (نذیر جٹ گروپ )،چوہدری عثمان احمد وڑائچ (آزاد) چوہدری محمد عاشق ، محبوب اختر ،محمد حمید منظر اقبال چشتی اور میاں آفتاب احمد جیویکا حلقہ پی پی 233بورے والا سے جن امیدواروں نے کاغذات جمع کر ائے ان میں مسلم لیگ (ن) کی طرف سے متوقع امیدوار ان چوہدری ارشاد احمد آرائیں ،چوہدری محمد عاشق آرائیں ،چوہدری بختیاور گجر ،عقیل احمد شانی ڈوگر ،شیخ اشفاق احمد ،محمد جمیل بھٹی ،سردار خالد محمود ڈوگر، محمد عمران ارشاد ، پاکستان پیپلز پارٹی کی طرف سے الحاج سردار خالد سلیم بھٹی،احسن سردار بھٹی ،پاکستان تحریک انصاف کی طرف سے محمد شہباز احمد ڈوگر ،میاں خالد حسین ،عبد الرﺅف چوہدری ،اعجاز اسلم چوہدری ،رانا محمد مظفر ،امجد حمید چوہان ،ایم کیو ایم کی طرف سے میاں راشد محمود آرائیں ،راﺅ محمد عابد ،چوہدری احسان اللہ چیمہ (ق) مولانا عبد النعیم نعمانی (جے یو آئی ف) چوہدری عرفان سلیم گل ،محمد رفیق نظامی (جماعت اسلامی ) محترمہ حاجراں نذیر جٹ (نذیر جٹ گروپ ) چوہدری عثمان احمد وڑائچ ،چوہدری محمد انور وڑائچ،چوہدری محمد فاروق خلجی ،راشد محمود ،عبد المجید بھٹی ایڈووکیٹ ،محترمہ منزہ عابد ،قاسم محمود ،سردار علی ،محمد عتیق انور ،محمد فیاض عظیم ،محمد سجاد بھٹی کے نام شامل ہیں جنہوں نے جنرل الیکشن میں حصہ لینے کےلئے ریٹرننگ آفیسر بورے والا کے دفتر میں کاغذات نامزدگی جمع کر وائے ہیں جن پر اعتراضات کی روشنی میں سکروٹنی کا عمل شروع کر دیا گیا ہے

  خاندان کے پانچ افراد کو فائرنگ سے زخمی کرنے والے  اشتہاری پولیس کانسٹیبل کو ہائی کورٹ ملتان سے عبوری ضمانت خارج ہونے پرمقامی پولیس نے گرفتار کر لیا
بورے والا: بہنوئی کے ساتھ مل کر معمولی تنازعہ پر دوسالہ بچے اس کی والدہ سمیت ایک ہی خاندان کے پانچ افراد کو فائرنگ سے زخمی کرنے والے لاہور پولیس کے اشتہاری پولیس کانسٹیبل کو ہائی کورٹ ملتان بنچ سے عبوری ضمانت خارج ہونے پرمقامی پولیس نے گرفتار کر لیا جبکہ مقدمہ کے مدعی کاپولیس انتظامیہ سے انصاف کے تقاضوں کو یقینی بنانے کا مطالبہ،تفصیلات کے مطابق ملزم جمشیدولدمحمد اقبال 51/C جوچک نمبر41/12-Lچیچہ وطنی کا رہائشی ہے اور لاہور پولیس میں بطور کانسٹیبل ڈرائیور نوکری کرتا ہے اس نے 14جولائی 2012کوبورے والا کے نواحی گاﺅں 433ای بی میں اپنے بہنوئی مقصود عالم اس کے والد عبدللطیف ،محمود عالم وغیرہ کے ساتھ ہم مشورہ ہوکر سڑک میں سیوریج پائپ ڈالنے کے معمولی تنازعہ پر ایک ہی خاندان کے پانچ افراد منظورعلی،ذالفقار احمد،غلام مصطفی، دوسالہ بچہ عجب گل اوراس کی والدہ نرگس بی بی وغیرہ کو فائرنگ کرکے زخمی کر دیا تھا جس کا مقدمہ نمبر 558/12پولیس چوکی 100پل نے درج کرکے تین ملزمان عبدللطیف ،مقصودعالم،محمود عالم کو گرفتار کر لیا جبکہ دیگر دونوں ملزمان جن میں پولیس کانسٹیبل جمشید اور شفیق وغیرہ شامل تھے ان کوگناہ گارکرکے اشتہاری قرار دے دیا تھابعدازاں اشتہاری پولیس کانسٹیبل جمشیدنے پولیس ٹریننگ سنٹر بیدیاں لاہور کی ایک جعلی نقل رپٹ نمبر4/2012 مورخہ14جولائی 2012 ایڈیشنل ڈسٹرکٹ سیشن جج بورے والا محمد اقبال خان میو کی عدالت میں پیش کر کے عبوری ضمانت حاصل کرنے کی کوشش کی لیکن عدالت نے اس کی درخواست ضمانت خارج کردی جس پر ملزم نے لاہور ہائی کورٹ ملتان بنچ سے عبوری ضمانت حاصل کرنے کے لئے درخواست دائرکی جس کی سماعت گذشتہ روز مسٹر جسٹس عبد الستا ر نے کی اور اس کی درخواست برائے عبوری ضمانت خارج کر دی جس پر پولیس چوکی100پل تھانہ نے ملزم کو گرفتار کر لیا ۔مقدمہ کے مدعی غلام مصطفی نے صحافیوں سے گفتگو کرتے ہوئے پولیس کے اعلیٰ حکام سے مطالبہ کیا ہے کہ ملزم نے جعلی نقل رپٹ پیش کرکے عدالتوں کو دھوکہ دینے کی کوشش کی جس کو ناکام بنا دیا گیا اب یہ پولیس انتظامیہ کی ذمہ داری ہے کہ وہ ملزم کے خلاف جعل سازی کا الگ مقدمہ درج کرے اورفائرنگ کے واقعہ میں گناہ گار قرار پانے پرقانونی تقاضوں کو پورا کرتے ہوئے انصاف کی فراہمی کویقینی بنایا جائے اور محکمہ پولیس کو بدنام کرنے پرملازمت سے بر طرف کیا جائے۔انچارج پولیس چوکی100پل منصور خان نے بتایا کہ اشتہاری پولیس کانسٹیبل جمشید کو مقامی مجسٹریٹ کی عدالت میں پیش کرکے تین روز ہ ریمانڈ حاصل کیا ہے اور اس سے تفتیش کرکے ریکوری کی جائے گی کیونکہ مجھ سے قبل اس ملزم کو پولیس اپنی تفتیش میںگناہ گار قرار دے چکی ہے ۔
  پیپلز پارٹی ملک کی سب سے بڑی جمہوری اور نظریاتی جماعت ہے ۔ کر نل (ر) راﺅ عابد علی خان
بورے والا: پاکستان پیپلز پارٹی کے نامزد امیدوار این اے 167بورے والا کر نل (ر) راﺅ عابد علی خان نے کہا ہے کہ پیپلز پارٹی ملک کی سب سے بڑی جمہوری اور نظریاتی جماعت ہے جسے ملک کے غریب عوام کی حمایت حاصل ہے ۔ پیپلز پارٹی صدر آصف علی زرداری اور بلاول بھٹو زرداری کی قیادت میں کلین سویپ کرے گی ۔ ان خیالات کا اظہار انہوں نے گذشتہ شب مجاہد کالونی چوک میں اپنی انتخابی مہم کا آغاز کر تے ہوئے کارنر میٹنگ سے خطاب کر تے ہوئے کیا۔ اس موقع پر پیپلز پارٹی بورے والا کے سٹی صدر راﺅ فریاد علی خان ،جنرل سیکرٹری محمد سلیم قریشی ،پیپلز لیبر بیورو کے تحصیل صدر غلام حیدر جٹ اور میزبان راﺅ محمد عثمان نے بھی خطاب کیا ۔ کر نل راﺅ فریاد علی خان نے کہا کہ ان کے خاندان نے مجاہد کالونی بورے والا میں سب سے پہلے رابطہ سڑک کی تعمیر ،نکاسی آب کے منصوبے اور سولنگ نالیاں وغیرہ ترجیحی بنیادوں پر مکمل کر وائیں اور گھر گھر سوئی گیس کی فراہمی کے پروگرام پر عمل جاری ہے ۔ انشاءاللہ آئندہ بھی اگر عوام نے انہیں موقع دیا تو وہ پہلے سے بڑھ کر اپنے حلقہ انتخاب با لخصوص مجاہد کالونی کے عوام کی پسماندگی دور کر نے کے لئے کوئی کسر اٹھا نہیں رکھیں گے اور بورے والا کو ایک مثالی شہربنائیں گے اور بلا امتیاز ترقیاتی کاموں کا جال بچھا دیں گے ۔ انہوں نے لوگوں سے اپیل کی کہ وہ گھر گھر پیپلز پارٹی کے منشور کو پہنچائیں ۔
بورے واالا سے روایتی سیاست کا خاتمہ اور صحیح معنوں میں عوامی خدمت کے جذبہ سے الیکشن میں حصہ لے رہے ہیں ۔ شیخ اشفاق احمد
بورے والا: پاکستان مسلم لیگ (ن) کے رہنماءامیدوار صوبائی اسمبلی پی پی 233شیخ اشفاق احمد نے کہا ہے کہ وہ بورے واالا سے روایتی سیاست کا خاتمہ اور صحیح معنوں میں عوامی خدمت کے جذبہ سے الیکشن میں حصہ لے رہے ہیں ۔ اگر مسلم لیگ (ن) نے انہیں اپنا امیدوار نامزد کیا تو وہ شہریوں کی بھر پور حمایت سے کامیابی حاصل کریں گے ۔ ان خیالات کا اظہا ر انہوں نے اپنی انتخابی مہم کے سلسلہ میں گﺅ شالہ ،ٹبہ مصطفی آباد اور عزیز آباد میں حلقہ کے ووٹرز سے گفتگو کر تے ہوئے کیا ۔ اس موقع پر مقامی کاٹن جنرز چوہدری مختار احمد آرائیں ،شیخ محمد ایوب اور کاٹن بروکر محمدافضل آرائیں بھی ان کے ہمراہ موجود تھے ۔ شیخ اشفاق احمد نے کہا کہ وہ کوئی سیاسی پس منظر نہیں رکھتے اور نہ ہی عوام سے جھوٹے وعدوں پر یقین رکھتے ہیں تا ہم یقین دلاتے ہیں کہ بورے والا ش شہرمیں تعمیر و ترقی کے منصوبوں اور بے روزگاری کا خاتمہ کو ترجیح دیں گے اور جنوبی پنجاب کے اہم تجارتی ،تعلیمی شہر بورے والا کو ضلع کا درجہ دلوا کر ساہیوال ڈویژن سے منسلک کر وائیں گے ۔ انہوں نے کہا کہ ملک کی موجودہ صورتحال کا تقاضا ہے کہ مسلم لیگ (ن) کو بھاری اکثریت سے کامیابی دلا کر میاں نواز شریف کو بر سر اقتدار لایا جائے کیونکہ وہی ملک کو بحرانوں سے نکالنے کی صلاحیت رکھتے ہیں ۔
انٹی کرپشن حکام کا دفتر تحصیل خزانہ پر چھاپہ۔ دفتر میں کام کر نے والا پرائیویٹ شخص رشوت لیتے ہوئے گرفتار
بورے والا: انٹی کرپشن حکام کا دفتر تحصیل خزانہ پر چھاپہ۔ دفتر میں کام کر نے والا پرائیویٹ شخص رشوت لیتے ہوئے گرفتار کر لیا گیا ۔ واقعات کے مطابق محکمہ انٹی کرپشن وہاڑی کے سرکل آفیسر محمد سلیم بھٹی نے مقامی مجسٹریٹ سول جج عمران خان کے ہمراہ دفتر خزانہ تحصیل بورے والا پر چھاپہ مار ا تو پتہ چلا کہ دفتر میں تعینات سیاہ نویس اشرف گوجر اور خزانچی رانا محمد سلیم موجود نہ تھے ۔ ان کی بجائے ان کی سیٹ پر ایک پرائیویٹ ملازم امانت علی سکنہ یعقوب آباد بیٹھا کام کر رہا تھا اور ایک شہری سے 100روپے رشوت لے رہا تھا ۔ چھاپہ مار ٹیم نے موصوف کے قبضہ سے نشان زدہ نوٹ بر آمد کر کے اسے قابو کر لیا اور مزید کاروائی کے لئے وہاڑی روانہ کر دیا گیا ۔

مکمل تحریر اور تبصرے>>

طویل قامت فاسٹ بولر محمد عرفان چھٹیاں منانے گھر پہنچ گئے

بور ے والا : فاسٹ بولر محمد عرفان آج کل اپنے گھر پر چھٹیاں منا رہے ہیں، جنوبی افریقا کے خلاف بہتر کارکردگی پر ان کے گھر والے اور قریبی عزیز کافی خوش ہیں ۔ پاکستان کے معروف فاسٹ بولر اور دنیا کے بلند قامت کھلاڑی محمد عرفان ساوٴتھ افریقا کے خلاف کرکٹ سیریز کھیلنے کے بعد آج کل آبائی علاقے وہاڑی کی تحصیل بورے والا کے ایک نواحی قصبے میں اپنے گھر والوں کے ساتھ چھٹیاں گزار رہے ہیں، گھر میں بہن بھائی اور رشتہ دار ان سے ملنے پہنچے۔ والدین کا کہنا ہے کہ وہ اپنے بیٹے کی کارکردگی سے مطمئن ہیں، محمد عرفان کی پرفارمنس پر اس کے گھروالے اور رشتہ داروں نے انہیں ہار پہنائے جبکہ مٹھائی سے سب کا منہ بھی میٹھا کروا گیا۔ گھر میں موجود بچوں کا کہنا ہے کہ وہ بھی بڑے ہو کر کرکٹ کھیلنا چاہتے ہیں، کوئی فاسٹ بولر بننا چاہتا ہے تو کوئی کرکٹر۔ محمد عرفان کی اہلیہ سعدیہ کا کہنا ہے کہ وہ زیادہ تر محمد عرفان کے پسند کے سیاہ رنگ کے کپڑے پہنتی ہیں۔ ان کے مطابق عرفان ان کیلئے جنوبی افریقا سے کافی تحائف لائے ہیں، وہ زیادہ خوش اس لئے ہیں ان کے شوہر کی کارکردگی کافی بہتر رہی جس کیلئے انہوں نے کافی دعائیں مانگی تھیں۔ سعدیہ کے مطابق ان کے شوہر محمد عرفان جب بیرون ملک ہوتے ہیں تو وہ انہیں بہت یاد کرتی ہیں۔ ان کا کہنا ہے کہ عرفان گراوٴنڈ میں جانے سے پہلے ہر بار اپنی والدہ اور ان سے ٹیلی فون پر ضرور بات کرتے ہیں۔ محمد عرفان کے اہل خانہ کا کہنا ہے کہ پاکستان جنوبی افریقا کے ساتھ فائنل میچ تو نہ جیت سکا لیکن محمد عرفان نے اپنی عمدہ کارکردگی سے پاکستانی عوام کے دل ضرور جیتے ۔

مکمل تحریر اور تبصرے>>