بورے والا: بد کاری سے انکار پر خاوند نے بیو ی کی ٹانگ کاٹ دی ۔ محلہ داروں نے ملزم کو قابو کر کے پولیس کے حوالے کر دیا ۔مضروبہ کو تحصیل ہیڈ کوارٹر ہسپتال داخل کروا دیا گیا ۔ پولیس تھانہ ماڈل ٹاﺅن نے اقدام قتل کے الزام میں مقدمہ درج کر لیا ۔ واقعات کے مطابق پنجا ب بنک کے ملازم اختر ٹاﺅن کے رہائشی عتیق الرحمان ارائیں کی ہمشیر ہ انیلہ بی بی جوکہ چار معصوم بچوں کی ماں ہے ۔چند ماہ قل اپنے خاوند امجد اقبال سے ناراض ہو کر اپنے والد ین کے گھر راہ رہی تھی کیونکہ انیلہ بی بی کے مطابق وہ اسے بد کاری کےلئے مجبور کرتا تھا گذشتہ شب 9بجے امجد اقبال انیلہ بی بی کو گھمانے پھر انے کی غرض سے بچوں کے بغیر مرضی پورہ ریلوے لائن پر لے گیا جہاں پر اس کا ایک دوست محمد خلیل بھٹی پہلے سے موجود تھا دونوں میاں بیوی ریلوے لائن ر بیٹھ گئے ک اچانک خلیل نے انیلہ کو دھکا دیا وہ گر پڑی تو اس کے خاوند نے ٹوکے سے اسکی ٹانگ پر وار کیا انیلہ روتی ہوئی اٹھ کر کھڑی ہوئی اور دونوں ہاتھوں سے ٹوکے کو پکڑ نے کی کوشش کی تو اس کے دونوں ہاتھ بھی زخمی ہو گئے خاوند نے دوبارہ اس کی ٹانگ پر ٹوکے کا وار کیا تو چیخ و پکار پر اہل محلہ اکھٹے ہو گئے جنہوں نے ملزم کو ٹوکے سمیت قابو کر لیا ۔ مضروبہ کو فوری طور ر تحصیل ہیڈ کوارٹر ہسپتال بوریوالا داخل کر وا یا گیا جہان اس کی حالت خطر ے سے باہر بیان کی جاتی ہے پولیس تھانہ ماڈل ٹاﺅن نے انیلہ کے بھائی عتیق الرحمان کی رپورٹ پر امجد اقبال اور خلیل بھٹی کے خلاف زیر دفعہ 324-34ت۔ پ مقدمہ درج کر کے کاروائی شروع کر دی ہے ۔
0 تبصرے:
اگر ممکن ہے تو اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔