بورے والا: عید الاضحیٰ کے موقع پر شہرمیں خرید اری کےلئے آنے والی خواتین و حضرات کی وجہ سے بازاروں میں رش کی وجہ سے گزرنا محال ہو گیا ہے ۔ عید الاضحیٰ کے موقع پر خرید اری کےلئے آنے والی خواتین و حضرات کی مشکلات کا جائزہ لینے کے لئے تحصیل انتظامیہ نے شہر کے بازاروں کا دورہ کیا اور افسران کو ہدایات دیں۔ تفصیلات کے مطابق اسسٹنٹ کمشنر ایڈ منسٹریٹر ٹی ایم اے سیف اللہ ساجد ، ڈی ایس پی ذوالفقار علی سندرانہ، ٹی ایم او رانا نوید احمد، ایس ایچ او ماڈل ٹاؤن محمد اسلم چیمہ نے اپنے اہلکاروں کے ہمراہ عیدالاضحیٰ کے موقع پرخریداری کے لئے شہر میں آنے والے افراد کے لئے سہولیات کا جائزہ لینے کےلئے گذشتہ روز گول چوک، ریشم گلی، کالج روڈ سمیت دیگر بازاروں کا دورہ کیا اور بازاروں سے ناجائز تجاوزات کو ختم کرنے اور خواتین کے رش والے بازاروں میں لیڈ یز پولیس تیعنات کرنے کے فوری احکامات جاری کیے جبکہ پولیس کی اضافی نفری بھی ٹی ایم اے کے اہلکاروں کے ہمراہ عید کے روز تک اپنے ڈیوٹی سرانجام دے گی ٹی ایم اے اور ڈی ایس پی کے دفاتر میں کنٹرول رومز قائم کر دیئے گئے ہیں ۔ ایڈ منسٹریٹر نے کہا کہ سبزیوں اور دیگر اشیا ءکی قیمتوں کو اعتدال میں رکھنے کےلئے شہر بوریوالا میں دو پوائنٹ اور گگو منڈی میں ایک پوائنٹ قائم کر دیا گیا ہے جہاں سے حکومت پنجاب کی طرف سے ملنے والی سبسڈی سے پیاز ،آلو، ٹماٹر سست داموں میں عوام کو فروخت کیے جارہے ہیں جبکہ شہرسے جانوروں کی آلائشیں اٹھانے کےلئے بھی خصوصی سکواڈ تشکیل دیے گئے ہیں عوام و الناس 9200132-067 فون پر اطلاع دے کر کے مد د لے سکتی ہے۔
0 تبصرے:
اگر ممکن ہے تو اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔