Pages - Menu

منگل، 13 جون، 2017

لاہور روڈ پرطفیل آباد کے نزدیک بس اور مزدا میں تصادم، 6 افراد جاں بحق 12 زخمی، زخمیوں اور جا ں بحق افراد کو تحصیل ہید کوارٹرہسپتال منتقل کردیا گیا


بورے والا: لاہور روڈ پرطفیل آباد کے نزدیک بس اور مزدا میں تصادم، 6 افراد جاں بحق 12 زخمی، زخمیوں اور جا ں بحق افراد کو تحصیل ہید کوارٹرہسپتال منتقل کردیا گیا
تفصیلات کے مطابق قصور سے کراچی جانے والی بس نمبرBSB 635 بورے والا آرہی تھی جب یہ لاہور روڈ پر اڈہ طفیل آباد کے قریب پہنچی تو تیز رفتاری کے باعث سامنے سے آنے والے منی مزدا ٹرک VRA-17-6203سے ٹکرا گئی جس کے نتیجے میں 6 افراد جاںبحق ہو گئے جبکہ 12 افراد زخمی ہو گئے ریسکیو 1122 دیگر پرائیویٹ ایمبولینسز نے موقع پر جا کر زخمیوں اور جانبحق افراد کو تحصیل ہیڈ کوارٹر ہسپتال منتقل کر دیا زخمیوں میں 3 افراد کی حالت تشویشناک بتائی جاتی ہے۔ جا ں بحق افراد کی شناخت حافظ غلام نبی سکنہ موضع جودھیکا چشتیاں، بشیر احمد سکنہ اباڑو ضلع گھوٹکی، سیف اللہ سکنہ رحیم یار خان کے ناموں سے ہوئی ہے جبکہ دیگر تین افراد کی شناخت نہ ہو سکی حادثہ میں زخمیوں کو طبی امداد دی جارہی ہے حادثہ کے بعد تحصیل ہیڈ کوارٹر ہسپتال میں ایمرجنسی نافذ کر دی گئی زحمیوں میں اکمل ولد فداحسین احمد پور شرقیہ ,محمد اکرم ولد پیر بخش رحیم یار خان,میاں خاں ولد بشیر احمد اوکاڑہ ,آفتاب ولد رحمت علی رحیم یار خان ,سیف اللہ ولد اقبال خانپور ,منیر ولد محمد نیاز بہاول پور ,مظہر ولد دوست محمد موضع مگھرانہ ,منظور 24 ڈبلیو بی وہاڑی ,بشیر ولد نیک ضلع گوٹکی .صادق ولد اللہ بخش بہاولپور شامل ہیں۔
مکمل تحریر اور تبصرے>>

جمعرات، 8 جون، 2017

سرکل بورےوالا پولیس کی اعلیٰ کارکردگی پر ایس ایچ او تھانہ صدر بوریوالا انسپکٹر ذاکرحسین کے لیے ایک لاکھ روپے انعام جبکہ ڈی ایس پی بوریوالا کے لئے تعریفی سرٹیفکیٹ

ملتان : آر پی او ملتاں سلطان اعظم تیموری ایس ایچ او صدر ذاکر حسین کو تعریفی سرٹیفیکیٹ اور نقد انعام دے رہے ہیں
ملتان: وہاڑی پولیس کی عمدہ کارکردگی، آر پی او ملتان سلطان اعظم تیموری کی طرف سے نقد انعامات اور تعریفی سرٹیفکیٹ  

سرکل بورےوالا پولیس کی اعلیٰ کارکردگی پر ایس ایچ او تھانہ صدر بوریوالا انسپکٹر ذاکرحسین کے لیے ایک لاکھ روپے انعام جبکہ ڈی ایس پی بوریوالا کو تعریفی سرٹیفکیٹ دیا گیا

ریجنل پولیس آفیسر سلطان اعظم تیموری نے کہا کہ محکمہ پولیس میں عمدہ کارکردگی پر افسران کی حوصلہ افزائی ان کی استعداد کار اور پیشہ وارانہ صلاحیتوں میں اضافے کا سبب بنتی ہے اور وہ اپنے فرائض منصبی ایمانداری اور فرض شناسی سے سرانجام دیتے ہیں وہ اپنے دفتر میں تقسیم انعامات کی تقریب سے خطاب کر رہے تھے 

سلطان اعظم تیموری نے بورےوالا سرکل پولیس کی جانب سے دوہرے قتل کے ملزمان کو ٹریس کرنے اور قتل ، ڈکیتی سمیت 29 سنگین مقدمات میں ملوث سابقہ ریکارڈ یافتہ پولیس کو مطلوب مجرم اشتہاری اللہ دتہ سہو کو بہادری اور بہترین حکمت عملی سے منطقی انجام تک پہنچانے پر ایس ایچ او تھانہ صدر بوریوالا انسپکٹر ذاکرحسین کو ایک لاکھ روپے نقد انعام دیا جبکہ ڈ ی ایس پی بوریوالا طاہر مجید ملک کو تعریفی سرٹیفکیٹ سے نوازا گیا اور ان افسران کو مستقبل میں بھی اچھی کارکردگی دکھانے کی تلقین کی۔ اس موقع پر ڈی پی او وہاڑی عمر سعید ملک بھی موجود تھے ۔

ملتان : آر پی او ملتاں سلطان اعظم تیموری، ڈی پی او وہاڑی عمر سعید ملک کے ہمراہ ڈی ایس پی بوریوالا طاہر مجید ملک  کو تعریفی سرٹیفیکیٹ  دے رہے ہیں


مکمل تحریر اور تبصرے>>

اتوار، 4 جون، 2017

وزیراعلیٰ پنجاب میاں محمد شہباز شریف کے وژن کے مطابق اربوں روپے کی سبسڈی سے سستے رمضان بازاروں سے عام آدمی کو سستی اور معیاری روزمرہ استعمال کی اشیاءبالخصوص چینی آٹا فروٹ گوشت کریانہ میسرآ رہے ہیں ممبر پنجاب اسمبلی بورے والا چوہدری ارشاد احمد ارائیں


بورے والا: پاکستان مسلم لیگ ن کے رہنما ممبر پنجاب اسمبلی بورے والا چوہدری ارشاد احمد ارائیں نے کہا ہے کہ وزیر اعلیٰ پنجاب میاں محمد شہباز شریف کے وژن کے مطابق اربوں روپے کی سبسڈی سے سستے رمضان بازاروں سے عام آدمی کو سستی اور معیاری روزمرہ استعمال کی اشیاءبالخصوص چینی آٹا فروٹ گوشت کریانہ میسر آر ہے ہیں اس سلسلہ میں ان بازاروں کی انتظامیہ مبارکباد کی مستحق ہے ان خیالات کا اظہار انہوں نے مارکیٹ کمیٹی اور بلدیہ کے اشتراک سے لگائے گئے رمضان بازار کے معائنہ کے بعد مقامی صحافیوں سے گفتگو کرتے ہوئے کیا اس موقع پر چیئر مین بلدیہ چوہدری محمد عاشق ارائیں ،چیئر مین اوورسیز کمیشن وہاڑی سردار شہزادڈوگر ،چیف آفیسر بلدیہ راﺅ محمد علی خان ،وائس چیئر مین بیت المال فاروق احمد ڈوگر ،بلدیہ بورے والا کے کونسلرز سیٹھ اسرار، ثناءاللہ رحمانی، چوہدری محمد علی، رانا ارشاد احمد ،عبدالخالق ٹھیکہ کے علاوہ مسلم لیگی کارکنان محمد حسین بھٹی ،محمد اسماعیل ہنجرا،انجمن تاجران کے ارکان محمد یسین بھٹی، شہزاد مصطفےٰ زرگر، راﺅ نور محمد صدر کریانہ ایسوسی ایشن، ڈاکٹر رضوان سلیمی، راﺅ نعیم اختر بھی موجود تھے ممبر پنجاب اسمبلی چوہدری ارشاد احمد ارائیں نے رمضان بازار میں لگائے گئے پھلوں، سبزیوں، چکن، بیف، مٹن، کریانہ، کھجوروں، آٹا، چینی مشروبات کے بارے میں پوچھ گچھ کی اور اسے تسلی بخش قرار دیا انہوں نے چیئرمین بلدیہ کو مثالی رمضان بازار کے انعقاد پر خراج تحسین پیش کیا
مکمل تحریر اور تبصرے>>

عمران خان ملک اور قوم کو لٹیروں کے تسلط سے نکلنے کا راستہ دکھانے کی جدوجہد کر رہے ہیں، ڈپٹی جنرل سیکرٹری تحریک انصاف پاکستان محمد ابراہیم خان

بورے والا : تحریک انصاف پاکستان کے مرکزی ڈپٹی جنرل سیکرٹری محمد ابراہیم خان سابق ایم پی اے نے کہا ہے کہ عمران خان 21سال سے ملک اور قوم کو لٹیروں کے تسلط سے نکلنے کا راستہ دکھانے کی جدوجہد کر رہے ہیں اور یہ وہی راستہ ہے جو نبی اکرم نے چودہ سو سال پہلے دکھایا تھا عمران خان کی جدوجہد در حقیقت عمرانیات کے اصولوں پر عمل کر کے نظام کی تبدیلی کا منشور ہے اس کے لئے دیانتدار قیادت کی ضرورت ہے نواز شریف اور زرداری دونوں اپنی باریاں لے رہے ہیں ان خیالات کا اظہار انہوں نے تحریک انصاف سٹی بورے والا کے زیر اہتمام اپنے اعزاز میں دی گئی افطار پارٹی سے بطور مہمان خصوصی خطاب کرتے ہوئے کیا تقریب سے تحریک انصاف کے ضلعی صدر چوہدری خالد محمود چوہان سٹی صدر ملک فاروق احمد اعوان ۔تحریک انصاف چیچہ وطنی کے رہنما میجر (ر)غلام سرور نے بھی خطاب کیا جبکہ تقریب میں پی ٹی آئی ماچھیوال کے رہنما چوہدری سرفراز اقبال گھمن ایڈووکیٹ، چوہدری اعجاز سلطان بندیشہ، پی ٹی آئی بورے والا کے سینئر نائب صدر محمد امجد ڈھڈی، اعجاز اسلم چوہدری سٹی جنرل سیکرٹری، سردار خالد نثار ڈوگر، چوہدری سجاد ظہور کاہلوں، محمد آصف خان، چیئر مین یونین کونسلز ملک عثمان احمد اعوان، چوہدری ارشا د احمد چوہان، بلدیہ بورے والا کہ کونسلرز سردار راشد عظیم،غلام مصطفےٰ بھٹی، شہباز حسین باجا بھٹی کے علاوہ محمد سبحانی گجر، محمد ارشد گوجر، عاشق علی کمبوہ، محمد رمضان بھولو بھٹی سمیت دیگر کارکنان بھی موجود تھے ۔پی ٹی آئی کے ضلعی صدر چوہدری خالد محمود چوہان نے خطاب کرتے ہوئے کہا کہ آنے والا وقت تحریک انصاف کا ہو گا جو عمران خان کی زیر قیادت قائد اعظم کے خواب کی تکمیل کرے گا اور یہ خواب اسلامی ،فلاحی مملکت کی شکل میں آئندہ چند ماہ کے اندر ہی پایہ تکمیل تک پہنچے گا آج نواز شریف کے بیٹے کیسے اربوں روپے کے مالک بن گئے ہیں ان کا یوم حساب آچکا ہے وہ عدالتوں کے سامنے پیش ہو رہے ہیں انہوں نے پی ٹی آئی کے لئے ابراہیم خان کی خدمات پر انہیں خراج تحسین پیش کیا ۔میجر (ر)غلام سرور نے خطاب کرتے ہوئے کہا کہ آنے والا وقت سمجھوتہ گروپ سے نجات کا دور ہو گا نواز شریف اور اس کے حواریوں نے قومی اداروں بالخصوص عدلیہ اور فوج کو بدنام کرنا شروع کر رکھا ہے مگر پوری قوم فوج اور عدلیہ کے ساتھ کھڑی ہے انہوں نے کارکنوں سے اپیل کی کہ وہ الیکشن والے دن صبح سے ہی تیار ہو کر پولنگ اسٹیشنوں پر ڈیوٹی دیں اور دھاندلی کرنے والوں کو منہ توڑ جواب دیں انشاءاللہ پچاس فیصد کامیابی کا دارومدار الیکشن کے روز ہوتا ہے پی ٹی آئی کے سٹی صدرفاروق احمد اعوان ایڈووکیٹ نے خطاب کرتے ہوئے ابراہیم خان اور دیگر عہدیداروں کا خیر مقدم کیا اور یقین دلایا کہ وہ بطور سٹی صدر ہر محلہ اور وارڈ کی سطح پر پارٹی کی تنظیم سازی کو تیزی سے مکمل کر رہے ہیں اس سلسلہ میں انہیں ضلعی صدر خالد محمود چوہان کا بھرپور تعاون حاصل ہے تقریب کے آخر پر مہمانوں کے اعزاز میں ڈنر دیا گیا مگر ناقص اور ناکافی کھانے کے انتظام اور مہمانوں کی زائد تعداد میں شرکت کے باعث بعض روزہ دار افطاری کے بعد کھانا کھائے بغیر ہی تقریب کے منتظمین کو کوسے دیتے ہوئے گھروں کو لوٹ گئے 
مکمل تحریر اور تبصرے>>

جمعرات، 1 جون، 2017

رمضان المبارک کے آغاز سے بورے والا شہر میں گرانفروشی عروج پر پہنچ گئی پرائس کنٹرول کمیٹیاں اور سپیشل پرائس کنٹرول مجسٹریٹ اپنا کردار ادا کرنے سے قاصر


بورے والا: رمضان المبارک کے آغاز سے ہی بورے والا شہر میں گرانفروشی عروج پر پہنچ گئی پرائس کنٹرول کمیٹیاں اور سپیشل پرائس کنٹرول مجسٹریٹ اپنا کردار ادا کرنے سے قاصرعوام کو گرانفروشوں اور ذخیرہ اندوزوں کے رحم و کرم پر چھوڑ دیا گیا تفصیلات کے مطابق مارکیٹ کمیٹی اور بلدیہ بورے والا کے اشتراک سے حکومت پنجاب کی ہدایت پر ایک خوبصورت رمضان بازار لگایا گیا ہے جہاں صفائی اور امن وامان کی صورتحال مثالی ہے تاہم اعلیٰ افسران کے جاتے ہی وہ درجہ اول فروٹ اور سبزیاں غائب کر دی جاتی ہیں اور یہ تمام کام مارکیٹ کمیٹی کے ارباب بست کشاد کی مبینہ ملی بھگت سے کیا جاتا ہے رمضان بازار میں حکومت کی سبسڈی کے تحت واحد دو اشیاءآٹا اور چینی بغیر جدوجہد کے با آسانی صارفین کو میسر ہے اس طرح کریانہ، گھی ،گوشت اور سبزیوں کے علاوہ مشروبات کی کوالٹی بہتر نظر نہیں آتی رمضان بازار کے علاوہ شہر میں عام تاجروں نے لوٹ مار کا بازار گرم کر رکھا ہے رمضان شریف سے پہلے فروخت ہونے والے فروٹ، کیلے، سیب، کھجور، آڑو، فالسہ، آلو بخارا، خوبانی، آم اور خربوزے کے ریٹ چار گنا تک بڑھائے جا چکے ہیں اسی طرح سبزیوں میں ٹماٹر، لیموں، ادرک، ٹینڈے، مٹر، آلو وغیرہ بھی محکمہ مارکیٹ کمیٹی کی طرف سے جاری لسٹوں کی پرواہ کئے بغیر دوکاندار بڑی ڈھٹائی سے منہ مانگی قیمتوں پر فروخت کر رہے ہیں اگر کوئی گاہک مقررہ نرخوں پر تقاضا کرے تو اس کی بے عزتی کرنا معمول بن چکا ہے اور دلیل دی جاتی ہے کہ ہمیں یہ اجناس سبزی منڈی سے ہی مہنگے داموں ملتی ہے اور مارکیٹ کمیٹی والے صرف کاروائی ڈالنے کے لئے کم نرخوں پر ریٹ لسٹیں جاری کر کے انتطامیہ کو خوش کرتے ہیں جبکہ سرکاری محکموں کے افسران اور اہلکاروں کی نظر صرف رمضان بازار تک محدود ہو کر رہ گئی ہے جہاں غیر معیاری اشیائے خوردنوش کو فروخت کر کے سستا رمضان بازار کی کامیابی کا ڈھنڈورا پیٹا جاتا ہے صارفین اور عوامی ،سماجی ،شہری حلقوں نے ڈپٹی کمشنر وہاڑی ،کمشنر ملتان اور وزیراعلیٰ پرائس کنٹرول سیل سے اصلاح احوال کی اپیل کی  ہے
مکمل تحریر اور تبصرے>>

منگل، 30 مئی، 2017

ڈسٹرکٹ پولیس آفیسر وہاڑی عمر سعید ملک نے رمضان بازار بورے والا کا دورہ کیا اور سیکیورٹی انتظامات کا جائزہ لیا


بورے والا : ڈسٹرکٹ پولیس آفیسر وہاڑی عمر سعید ملک نے رمضان بازار بورے والا کا دورہ کیا اور سیکیورٹی انتظامات کا جائزہ لیا انہوں نے مختلف سٹالز کا معائنہ بھی کیا رمضان بازار سے خریداری کرنے والے صارفین سے اشیائے خوردونوش  کے معیار اور قیمتوں کے بارے دریافت کیا اور اطمینان کا اظہار کیا اس موقع پر قائمقام اسسٹنٹ کمشنر خضر حیات ،چیئر مین بلدیہ چوہدری محمد عاشق ارائیں ،ڈی ایس پی ملک طاہر مجید ،تحصیلدار محمد سجاد خاں لودھی ،چوہدری عمران ارشاد ،صدر مرکزی انجمن تاجران حاجی محمد جمیل بھٹی ،مسلم لیگ ن تحصیل بورے والا کے جنرل سیکرٹری چوہدری محمد صغیر رامے، چیف آفیسر راﺅ محمد علی، کونسلرز لالہ محمد عارف مغل،عبدالخالق ٹھیکہ، چوہدری شکیل نواز ڈھلوں، چیئر مین انکروچمنٹ کمیٹی میاں خالد حسین کے علاوہ دیگر بھی موجود تھے رمضان بازار کے دورہ کے بعد ڈسٹرکٹ پولیس آفیسر عمر سعید ملک نے چیئر مین بلدیہ کے آفس میں میڈیا کے نمائندوں سے گفتگو کرتے ہوئے کہا کہ بورے والا کا رمضان بازاردیگر تحصیلوں میں قائم کے کئے گئے رمضان بازاروں کی نسبت صفائی کے حوالے سے مثالی ہے حکومت رمضان بازاروں میں لوگوں کو معیاری اور سستے داموں اشیائے خوردونوش فراہم کر رہی ہے پولیس نے شہریوں کے جان و مال کی حفاظت کے لئے ضلع بھر کے رمضان بازارو ں میں سیکورٹی کے فول پروف انتظامات کئے ہیں عوام کے جان و مال کی حفاظت کرنا ہماری اولین ترجیحات ہیں انہوں نے ٹریفک پولیس کو ہدایت کی کہ ٹریفک میں خصوصاً افطار کے وقت ٹریفک کی روانی کو متاثرہ نہ ہونے دیں اور اپنے فرائض کی ادائیگی چوکس ہو کر ادا کریں انہوں نے رمضان بازار میں سیکورٹی کے انتظامات پر اطمینان کا اظہار کیا اور رمضان بازار میں خاتون پولیس اہلکارواک تھرو گیٹ پر خواتین کو چیک کریںتاکہ کسی بھی نا خوشگوار واقع سے بچا جا سکے .
مکمل تحریر اور تبصرے>>

مسلم لیگ ن ٹریڈ ونگ ضلع وہاڑی کے صدر اور ممبر ضلعی بیت المال چوہدری وحید احمد آرائیں اچانک حرکت قلب بند ہونے کے باعث انتقال کر گئے

چوہدری وحید احمد آرائیں کی فائل فوٹو
بورے والا : مسلم لیگ ن ٹریڈ ونگ ضلع وہاڑی کے صدر اور ممبر ضلعی بیت المال چوہدری وحید احمد آرائیں اچانک حرکت قلب بند ہونے کے باعث انتقال کر گئے مرحوم دبئی پولیس کے آفیسر چوہدری منیر احمد، گورنمنٹ ایم سی ہائی سکول کے سٹاف ممبر چوہدری سعید احمد کے چھوٹے بھائی اور ایم ایس تحصیل ہیڈ کوارٹر ہسپتال چیچہ وطنی ڈاکٹر شاہد اقبال اور ڈینٹل سرجن ڈاکٹر محمد طارق، پیسٹی سائیڈ ڈیلر ناصر محمود  کے کزن تھے۔ ان کی نماز جنازہ ان کے آبائی گاﺅں چک نمبر541 ای بی میں ادا کی گئی جس میں سابق ضلع ناظم وہاڑی سید شاہد مہدی نسیم، ایم پی اے بلال اکبر بھٹی، سابق ایم پی اے چوہدری خالد محمود چوہان، وائس چیئرمین ضلع کونسل وہاڑی رانا شاہد سرور، ممبران ضلع کونسل چوہدری آفتاب احمد، چوہدری محمد کاشف رامے، پیسٹی سائیڈ ڈیلرز ایسوسی ایشن کے صدر ندیم مشتاق رامے، دیگر اراکین چیف محمد علی بھٹی، عدیل مختار انجم، افتخار احمد، چوہدری محمد سرور، راجہ محمد اقبال، محمد ارشد ڈھولہ ،مسلم لیگی رہنماﺅں چوہدری نعیم صابر، نعیم احمد بھٹی، چوہدری ریاض احمد آرائیں، محمد یسین بھٹی، کھاد ڈیلرز کی صدر منیر احمد، چوہدری اطہر غفور، چوہدری اظہر غفور، میاں خالد لظیف، فہیم قیصر و دیگر مکتبہ فکر کے سینکڑوں افراد نے شرکت کی ان کی رسم قل خوانی مورخہ یکم جون 2017 بروز جمعرات 6 بجے شام ان کے آبائی گاﺅں چک نمبر541ای بی میں ادا کی جائے گی۔
مکمل تحریر اور تبصرے>>

تھانہ صدر پولیس نے خاتون کے اندھے قتل کا سراغ لگا کر تین ملزموں کو گرفتار کر لیا


رپورٹ شاہد اکبر طور
بورے والا : تھانہ صدر پولیس نے خاتون کے اندھے قتل کا سراغ لگا کر تین ملزموں کو گرفتار کر لیا ملزموں نے فاحشہ عورت کو بک کر کے رات بھر گینگ ریپ کرنے کے بعد قتل کر کے نعش نہر میں بہا دی۔ واقعات کے مطابق یکم مئی کی صبح چھ بجے پولیس کو اطلاع ملی کہ لاٹ بھٹیاں کے قریبی راجباہ کے پل کے نیچے ایک نا معلوم عورت کی نعش پھنسی ہوئی ہے پولیس تھانہ صدر نے نعش کو پوسٹمارٹم کے لئے سول ہسپتال پہنچایا اور اس کی شناخت کے لئے اعلانات کئے تو پتہ چلا کہ مرنے والی 35سالہ عورت کا نام شمشاد بی بی زوجہ شہباز عرف سپاٹا ہے جو کہ چک 459ای بی فارم نمبر2 کی رہائشی ہے اور راتوں کو بک پر جاتی ہے ڈی ایس پی بورے والا ملک طاہر مجید نے اسے اندھے قتل کا سراغ لگانے کے لئے ہومی سائیڈ انچارج چوہدری خوشی محمد کی نگرانی میں خصوصی ٹیم تشکیل دی ٹیم نے مقتولہ کے خاوند شہباز عرف سپاٹا ماچھی کو حراست میں لے کر اس کی بیوی کا موبائل نمبر حاصل کر کے اس کی مدد سے ملزموں کا سراغ لگا کر ایک ملزم محمد عمیر وٹو سکنہ xبلاک بورے والا کو حراست میں لے کر تفتیش کی تو قتل کا سارا سراغ مل گیا ملزم محمد عمیر نے اپنے دو ساتھیوں الیاس ولد ہمایوں خان سکنہ اڈہ صوفی نورمحمد اور محمد عرفان ولد افضل شیخ سکنہ 28ایکس بلاک بورے والا جو کہ عمیر وٹو کے والدین نے لے پالک رکھا ہوا تھا کے ہمراہ راجباہ پل وہاڑی بازار کے قریب اپنے گھر کے چوبارہ پر شمشاد بی بی کو وقوعہ کی شب عیاشی کے لئے لائے تینوں دوست نشہ کہ عادی تھے جنہوں نے نشہ کی حالت میں رات بھر اسے گینگ ریپ کا نشانہ بنایا جب ریپ سے مقتولہ کی قوت برداشت جواب دے گئی تو اس نے چیخ و پکار شروع کر دی ملزموں نے دن چڑھنے سے پہلے اس کے گلے میں پھندہ ڈال کر اسے ادھ موئی کر دیا اور بعد ازاں عمیر نے عرفان کے ہمراہ اسے موٹر سائیکل پر بٹھا کر شہر سے باہر لاٹ بھٹیاں راجباہ پل کے قریب نہر میں پھینک کر فائر مار کر قتل کر دیا تھا ملزم عمیر نے مقتولہ کا موبائل فون چھین کر اس میں اپنے ایک دوست عثمان بھٹی کی سم ڈال رکھی تھی تاکہ وہ اس قتل میں پھنس سکے عثمان بھٹی جڑانوالہ میں مزدوری کرتا ہے تاہم پولیس نے اس قتل کے ذمہ دار تینوں ملزموں کو گرفتار کر کے علاقہ مجسٹریٹ سول جج بورے والا راشد شبیر کی عدالت سے ملزمان کا جسمانی ریمانڈ حاصل کر کے تفتیش کا دائرہ وسیع کر دیا ہے ۔


مکمل تحریر اور تبصرے>>

سوموار، 29 مئی، 2017

پنجاب حکومت نے رمضان پیکج کے تحت آٹا ،چینی اور دیگر اشیائے ضروریہ پر سبسڈی کے لئے 8ارب 78کروڑ روپے کا تاریخی پیکج دیا ہے ممبر قومی اسمبلی چوہدری نذیر احمد آرائیں

بورےوالا: ممبر قومی اسمبلی چوہدری نذیر احمد آرائیں اور ڈپٹی کمشنر وہاڑی علی اکبر بھٹی نے رمضان بازار بورےوالا کا دورہ کیا اس موقع پر انہوں نے بتایا کہ پنجاب حکومت نے وزیر اعلیٰ پنجاب میاں شہباز شریف کے وژن کے تحت عام صارفین کو رمضان پیکج کے تحت آٹا ،چینی اور دیگر اشیائے ضروریہ پر سبسڈی کے لئے 8ارب 78کروڑ روپے کا تاریخی پیکج دیا ہے جس کے اثرات سامنے آ رہے ہیں اس موقع پر اسسٹنٹ کمشنر بورے والا خضر حیات بھٹی، چیئر مین بلدیہ چوہدری محمد عاشق ارائیں ،تحصیلدار سجاد خان لودھی، ڈپٹی ڈائریکٹر انفارمیشن سید ماجد علی شاہ، انچارج آئی ٹی شیخ خرم سلیم، صدر انجمن تاجران محمد جمیل بھٹی، جنرل سیکرٹری محمد صغیر رامے، ایکسئین بلدیہ عاشق علی جاوید اور چیف آفیسر بلدیہ راﺅ محمد علی خان بھی موجود تھے ۔ ممبر قومی اسمبلی اورڈپٹی کمشنر نے رمضان بازار میں لگائے گئے گوشت ،مشروبات ،سبزیوں پھلوں ،کریانہ اور آٹا چینی کے سٹالوں کا معائنہ کیا اور ان کو کوالٹی اور قیمتوں کے بارے میں خریداروں سے معلومات حاصل کیں
مکمل تحریر اور تبصرے>>